Skip to main content
All Posts By

maggegg

Batamessa í Bessastaðakirkju 4. febrúar 2024 – kl. 17.00

Með Fréttir

Batamessa febrúarmánaðar verður í Bessastaðakirkju, sunnudaginn 4. febrúar n.k. kl. 17.00. Það var hlý og góð batamessa í Lágafellskirkju í janúar, og núna er það hópurinn á Álftanesi sem býður okkur til messu.

Við heyrum vitnisburði tólf spora fólks, sr. Hans Guðberg hefur eitthvað gott að segja okkur, Ellen Kristjánsdóttir og Ástvaldur Traustason leiða tónlistina.

Svo bjóða vinir í bata í kaffi á eftir í safnaðarheimilinu að Brekkuskógum 1 á Álftanesi.

Allir eru velkomnir í batamessu og upplagt að bjóða með sér gestum.

Batamessa í Lágafellskirkju 14. janúar 2024 – kl. 17.00

Með Fréttir

Batamessa janúarmánaðar verður í Lágafellskirkju í Mosfellsbæ, sunnudaginn 14. janúar n.k. kl. 17.00.
Njótum þess að koma saman í batamessu á nýju ári.
Við heyrum vitnisburð og presturinn hefur eitthvað uppbyggilegt handa okkur til að taka með út í daginn.

Að messu lokinni bjóða Vinir í bata í Lágafellskirkju upp á hressingu í Safnaðarheimilinu að Þverholti 3, Mosfellsbæ.

Verið öll velkomin í batamessu og takið með ykkur gesti.

Nýjar byrjanir í Árbæjarkirkju og Hjallakirkju í Kópavogi eftir áramót.

Með Fréttir

Árbæjarkirkja

Um er að ræða 16 vikna prógramm sem hefst 10. janúar 2024 og lýkur í maí 2024. Fyrst eru tveir kynningarfundir þar sem fólk hefur tækifæri til að kynna sér prógrammið. Það eru allir velkomnir á þessa opnu fundi og ekki þörf á að skrá sig fyrirfram.
Fyrsti opni fundurinn verður miðvikudaginn 10. janúar 2024 kl.19:00. Næsti opni fundurinn verður 17. janúar en á þriðja fundi 24. janúar verður hópunum lokað og reiknað með að þau sem mæta þá ætli að vera með fram á vorið. (Best er að mæta á báða opnu fundina)
Fundartími: Miðvikudagar kl. 19:00-21:00.

Digranes- og Hjallaprestakall.

Það verður ný sporabyrjun í Hjallakirkju í Kópavogi eftir áramótin. Farin verður 16 vikna ferð (hraðferð) í 12 sporunum og verður fyrsti opni fundurinn Miðvikudaginn 10. janúar kl. 19.00. Það eru aðeins tveir opnir fundir í hraðferð og það verður líka opið 17. janúar. Það þarf að mæta á opnu fundina til að vera með, ekki þarf að skrá sig, bara mæta.
Verið velkomin á sporafund.

Fundartími:  Miðvikudagar kl. 19.00-21.00

Batamessan 5. nóvember verður í Grensáskirkju kl. 17.00

Með Fréttir

Vinir í bata í Grensáskirkju bjóða okkur til batamessu, sunnudaginn 5. nóvember n.k. kl. 17.00.

Það er gott að koma í Grensáskirkju, iðka 11. sporið og njóta þess sem batamessan býður upp á.

Við heyrum vitnisburð og gefum okkur tíma og hittum aðra vini í bata yfir kaffibolla og meðlæti á eftir.

Sjáumst í Grensáskirkju á sunnudaginn.

 

Nýjar byrjanir haustið 2023

Með Fréttir

Enn opið í október:

Keflavíkurkirkja: mánudaginn 16. október 2023 kl. 19.30-21.30 – lokar 23. október

Lágafellssókn, Safnaðarheimilinu, Þverholti 3, Mosfellsbæ: miðvikudaginn 11. október 2023 kl.19.30 – lokar 25. október

Garðaprestakall í Safnaðarheimilinu að Brekkuskógum 1, Álftanesi, miðvikudaginn 11. október 2023, kl. 20.00-22,00 – lokar 25. október.

Slóð á kynningarmyndband um sporin

Nú er um að gera að bregðast við og mæta á fund.

Velkomin öll á sporafund.

Kirkjurnar eru byrjaðar að auglýsa nýjar byrjanir haustsins

Með Fréttir

Hér fyrir neðan er auglýsing frá Grensáskirkju og fylgist svo með á Kirkjur og fundartímar

Vinir í bata Grensáskirkju hefja vetrarstarf sitt fimmtudaginn 7. september 2023.
Fundir eru einu sinni í viku kl 19.15-21.15.
Fyrstu þrír fundirnir eru opnir en eftir það þarf fólk að ákveða hvort það vilji taka þátt í 30 vikna prógrammi.

Ekki þarf að skrá sig – bara mæta á opnu fundina.

Þetta er gefandi og þroskandi starf þar sem fólk skoðar líf sitt og áttar sig á hvað er gott, hvað má betur fara og finna leiðir til þess að eiga jákvæðara og innihaldsríkara líf.
Það kostar ekkert að vera með.

solong@simnet.is

Fræðsludagur fyrir leiðbeinendur í sporastarfi

Með Fréttir

Laugardaginn 2.september n.k.  verður fræðsludagur á vegum Vina í bata fyrir þau sem hafa hug á að vera leiðbeinendur í Tólf spora starfinu í kirkjunni. Tólf sporin – Andlegt ferðalag.

Þátttaka í fræðsludeginum er þátttakendum að kostnaðarlausu.

Skráning í síðasta lagi fyrir 31. ágúst hjá:  maggegg@simnet.is eða solong@simnet.is  

Hvar:                 Starfið verður í Safnaðarheimili Bessastaðasóknar að Brekkuskógum 1, Álftanesi.
Takið bókina með. Verðum með bækur til sölu á staðnum á kr. 3500 – enginn posi.

Hvenær:           Laugardaginn 2. september 2023 við opnum húsið kl. 09.30 ef einhver vill ná sér í
kaffibolla, fræðslan hefst kl. 10.00 og ljúkum dagskrá í síðasta lagi kl. 16.00.

Dagskráin:     Fyrir hádegið verður fræðsla um hvernig staðið er að nýrri byrjun, farið yfir fyrstu
fjóra fundina, hlutverk leiðbeinandans og farið yfir helstu viðmið í sporastarfinu.

Við fáum hádegisverð á veitingahúsinu í Fisherman‘s Village á Álftanesi.
Dagskráin hefst aftur kl. 14.00 og þá munu eldri leiðbeinendur segja frá sinni reynslu
af því að leiða hópastarf – hvað kom á óvart – hvað hefur gefist vel – hverjar eru
áskoranir leiðbeinandans?
Kl. 15.00 er svo kaffi og kveðjustund og er stefnt að því að ljúka ekki síðar en kl. 16.00

Bjóðum velkomin þau sem langar að vera virk í sporastarfinu og taka þátt í að leiða hóp. Það er líka gott fyrir okkur sem höfum verið leiðbeinendur að rifja upp og hittast, undirbúa okkur fyrir vetrarstarfið og hvetja hvert annað.

Starfshópur Vina í bata

Vorhátíð/Uppskeruhátíð 2023

Með Fréttir

Vorhátíð/Uppskeruhátið 2023

Það styttist í vorhátíðina og við hlökkum til að sjá ykkur með vor í augum og glöð yfir að vera í bata. Við kíkjum í fataskápinn okkar og finnum eitthvað sumarlegt og í glöðum litum til að fara í sem hæfir tilefninu.

Auðvitað væntum við þess að þið komið til að gleðjast með okkur og hvert með öðru miðvikudagskvöldið 17. maí kl. 20.00 í Lágafellskirkju í Mosfellsbæ. Það er yndislegt að hittast á vorkvöldi á svo fallegum stað eiga saman góða stund. Þið megið líka gjarnan biðja fyrir góðu veðri.

Við ætlum að syngja saman létta söngva og þakka Guði á þann hátt fyrir batann í lífi okkar og svo heyrum við vitnisburði þeirra sem þekkja sporin og batann af eigin raun. Það er fátt meira uppörvandi en að heyra góða batasögu. Þórður leikur undir sönginn og svo heyrum við eitthvað gott bæði í tónum og tali frá Gísla og Herdísi. Sr. Arndís Linn sendir okkur svo út í vorið með blessun.  Við gefum okkur tíma fyrir kaffisopa og létta hressingu eftir stundina.

Takið kvöldið frá – og látið vita í hópunum ykkar og hnippið líka í eldri vini í bata. Það væri mjög gaman að finna samstöðu og stuðning frá eldri vinum í bata. Um að gera að taka með sér gesti. Endilega dreifið fréttabréfinu til þeirra vina í bata sem þið vitið um.

Starfshópurinn.

Aðalfundur Vina í bata verður 5. mars 2023 kl. 16.00

Með Fréttir

Boðað er til aðalfundar Vina í bata 2023 sunnudaginn 5. mars n.k. kl. 16.00 í Kirkju Óháða safnaðarins, Reykjavík

Dagskrá: Venjuleg aðalfundarstörf:
Skýrsla starfshóps – Reikningar 2022 – Kosning – Önnur mál.Við hvetjum alla áhugasama vini og vinkonur í batanm til að koma á aðalfund og kynnast störfum samtakanna og leggja sitt til málanna. Sérstaklega væri skemmtilegt að heyra hvernig starfið gengur á hinum ýmsu stöðum.

Batamessa verður svo í beinu framhaldi.

Starfshópurinn

 

Umsjón með persónuverndarstillingum

Afar Nauðsynlegt

Vafrakökur eru nauðsynlegar til að vefsetrið starfi eðlilega.

gdpr, wordfence_verifiedHuman, _gd#, wfvt_#

Notendasamskipti

Vafrakökurnar eru notaðar til að fylgjast með notendasamskiptum og skynja þegar hugsanleg vandkvæði koma upp. Þær hjálpa okkur að bæta þjónustu okkar með því að láta í té greiningargögn um hvernig notendur nota þetta vefsetur.

_ga, _gali, _gat, _gid

Markaðssetning

Notaðu vafrakökur til að nýta þér reynslu markaðssetningar til hins ýtrasta á veraldarvefnum. Allar aðgerðir/áætlanir eru að mestu leyti viðeigandi fyrir hvern einstakling og eru jafnframt viðeigandi valkostur fyrir hvern ritstjóra vefseturs sem og aðra.

_
_twitter_sess, ct0, guest_id, personalization_id
ads/ga-audiences, NID, GAPS
CheckConnectionTempCookie#
collect
impression.php/#