Batamessa janúar mánaðar í Lágafellskirkju

Með janúar 7, 2020 Fréttir

Gleðilegt ár!

Batamessan í janúar verður í Lágafellskirkju í Mosfellsbæ, sunnudaginn 12. Janúar 2020, kl. 17.00 síðdegis. Eftir messuna bjóða Vinir í bata í Lágafellskirkju okkur í kaffi og spjall í Safnaðarheimilinu að Þverholti 3, Mosfellsbæ.

Það er gott að byrja nýja árið með því að hittast í batamessu. Það eru allir velkomnir í batamessu og um að gera að bjóða þeim sem okkur þykir vænt um með í messuna.
Batamessur eru sérstaklega sniðnar fyrir sporafólk. Við heyrum vitnisburð og presturinn hefur eitthvað gott að segja okkur til að taka með okkur. Svo fáum við ráðrúm til að eiga okkar eigin stund í kirkjunni.

Tökum þennan tíma frá fyrir okkur og sjáumst í batamessu.

Allir sem hafa áhuga á að kynna sér 12 sporin ættu að koma til þessarar messu og það eru ALLIR velkomnir!