Pˇstlisti
Skrß­u netfangi­ ■itt og fß­u tilkynningar sendar Ý t÷lvupˇsti
Nafn
Afskrß

Hvað geta Tólf sporin gert fyrir fólk?

Í bataferlinu skoðar einstaklingurinn skapgerðagalla sína og bresti og leitast við að breyta þeim í andstæðu sína.

Tólf sporin hjálpa einstaklingnum að vinna í því að breyta
ótta í trú,
hatri í kærleika,
hroka í auðmýkt,
áhyggjum og kvíða í æðruleysi,
afneitun í viðurkenningu,
afbrýðisemi í traust,
ímyndun í raunveruleika,
eigingirni í þjónustu,
gremju í fyrirgefningu,
fordæmingu í umburðalyndi,
örvæntingu í von,
sjálfshatri í sjálfsvirðingu og
einmannaleika í samfélag.

Allt þetta miðar að því að gera einstaklinginn að betri manneskju og raunverulega markmiðið er að einstaklingurinn öðlist bata eða framfarir en ekki fullkomnun (Practise these principles and what is the Oxford Group, 1997).  Hver vill ekki eiga slík markmið að stefna að?  Ef einstaklingur hvort sem hann á við ávanamyndandi hegðun að stríða eða ekki, getur eða hefur löngun til þess að tileinka sér boðskap tólf sporanna er mjög líklegt að hann hagnist af því á einhvern hátt.

Það sem sporin gera í lífi einstaklingsins er að dýpka skynjun hans á honum sjálfum og kenna honum að þekkja sínar eigin tilfinningar og ráða við  þær.  Einstaklingurinn lærir að þykja vænt um og annast um sjálfan sig og lærir smátt og smátt að tjá tilfinningar sínar og líðan. Sporin styrkja sjálfsmynd einstaklingsins og hjálpa honum að skynja hvað gerir honum gott og hvað hefur slæm áhrif á líf hans.

Einnig gefa sporin einstaklingnum innsýn í líf annarra sem veldur því að einstaklingar sem fara tólf spora leiðina eiga auðveldara með að setja sig í spor annars fólks.  Einstaklingurinn verður færari um að umgangast annað fólk á heilbrigðan hátt,  hann lærir að meðtaka gagnrýni og nýta sér hana á jákvæðan hátt (Tólf sporin - Andlegt ferðalag, 1999). 

Þegar einstaklingur er í bata þá fer honum að ganga betur á öllum sviðum lífs síns, einkalífi sem og atvinnu.  Honum fer að líða betur og líf hans verður fyllt með friði og æðruleysi.  Í grein Covington (1998) þar sem kemur fram að hún ræddi við konur sem höfðu öðlast bata með Tólf spora aðferðinni, voru nokkrir þættir sem þær töluðu um að Tólf sporin hefðu haft mikil áhrif á.  Þetta voru þættir eins og sjálfið og samböndin við aðra.  Þær töluðu um að batinn fælist í útvíkkun og vexti á sjálfinu, þær öðluðust meiri virðingu fyrir sjálfri sér og meira sjálfstraust.  Þær lærðu að eiga heilbrigð samskipti við aðra og öðluðust aukið öryggi í tengslum við annað fólk (Covington, 1998).  Þetta leiðir að aukinni tilfinningagreind þar sem hún er skilgrein sem aukinn hæfileiki til þess að stjórna sjálfum sér og samböndum við aðra á áhrifaríkan hátt.

Úr BS Ritgerð 2004 - Um meðferðargildi Tólf sporanna - A.M.
 

fimmtudagur 20 september 09 2018
Vi­bur­ir
September - 2018
S M Ů M F F L
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
<
>
Nřjustu frÚttir
Batamessur veturinn...
Við erum byrjuð að raða batamessunum niður á kirkjurnar eins og...
Biskup vitnar Ý...
Það er skemmtilegt að segja frá því að biskup Íslands,...